கப்டிலின் அதிரடியில் ஸ்கொட்லாந்தை வென்றது நியூசிலாந்து

ஸ்கொட்லாந்துக்கு எதிராக துபாய் சர்வதேச கிரிக்கெட் விளையாட்டரங்கில் புதன்கிழமை (3 ) நடைபெற்ற மிக முக்கிய குழு 1க்கான இருபது 20 உலகக் கிண்ண சுப்பர் 12 சுற்று கிரிக்கெட் போட்டியில் நியூஸிலாந்து 16 ஓட்டங்களால் மிகவும் அவசியமான வெற்றியை ஈட்டிக்கொண்டது.

Martin Guptill raises his bat after scoring a fifty, New Zealand vs Scotland, T20 World Cup, Group 2, Dubai, November 3, 2021

இந்த வெற்றியுடன் குழு 2 இலிருந்து அரை இறுதிக்கு இரண்டாவது அணியாக செல்வதற்கான தனது வாய்ப்பை நியஸிலாந்து சற்று அதிகரித்துக்கொண்டுள்ளது.

Ish Sodhi picked up the wicket of George Munsey, New Zealand vs Scotland, T20 World Cup, Group 2, Dubai, November 3, 2021

35 வயதான மார்ட்டின் கப்டிலின் அதிரடி துடுப்பாட்டம் நியூஸிலாந்தின் வெற்றியில் பிரதான பங்காற்றியது.

இப் போடடியில் முதலில் துடுப்பெடுத்தாடிய நியூஸிலாந்து 20 ஓவர்களில் 5 விக்கெட்களை இழந்து 172 ஓட்டங்களைக் குவித்தது.

Trent Boult celebrates with his team-mates, New Zealand vs Scotland, T20 World Cup, Group 2, Dubai, November 3, 2021

நியூஸிலாந்து துடுப்பாட்டத்தில் ஒரு புறத்தில் விக்கெட்கள் சரிந்துகொண்டிருக்க, மறுபுறத்தில் மார்ட்டின் கப்டில் தனி ஒருவராக அதரடியாக ஓட்டங்களைக் குவித்து நியூஸிலாந்துக்கு பலம் சேர்த்தார்.

Martin Guptill goes for the big one, New Zealand vs Scotland, T20 World Cup, Group 2, Dubai, November 3, 2021

56 பந்துகளை எதிர்கொண்ட மார்ட்டின் கப்டில் 7 சிக்ஸ்கள், 6 பவுண்ட்றிகளுடன் 93 ஓட்டங்களை விளாசி 7 ஓட்டங்களால் சதத்தைத் தவறவிட்டார்.

இவரைவிட க்லென் பிலிப்ஸ் 33 ஓட்டங்களைப் பெற்றார்.

Glenn Phillips hits one behind, New Zealand vs Scotland, T20 World Cup, Group 2, Dubai, November 3, 2021

மார்ட்டின் கப்டிலும் கிலென் பில்ப்ஸும் 4ஆவது விக்கெட்டில் 105 பெறுமதிமிக்க ஓட்டங்களைப் பகிர்ந்தனர்.

ஸ்கொட்லாந்து பந்துவீச்சில் சபியான் ஷரிப் 28 ஓட்டங்களுக்கு 2விக்கெட்களையும் ப்றெட் வீல் 40 ஓட்டங்களுக்கு 2 விக்கெட்களையும் கைப்பற்றினர்.

The Scotland players get into a huddle, New Zealand vs Scotland, T20 World Cup, Group 2, Dubai, November 3, 2021

பதிலுக்கு துடுப்பெடுத்தாடிய ஸ்கொட்லாந்து 20 ஓவர்களில் 5 விக்கெட்களை இழந்து 156 ஓட்டங்களைப் பெற்று தோல்வி அடைந்தது.

மத்தியவரிசை வீரர் மைக்கல் லீக் 20 பந்துகளை மாத்திரம் எதிர்கொண்டு 3 சிக்ஸ்கள், 3 பவுண்ட்றிகளுடன் ஆட்டமிழக்காமல் 42 ஓட்டங்களைக் குவித்தார்.

இவரை விட மெத்யூ க்ரொஸ் 27 ஓட்டங்களையும் ஜோர்ஜ் மன்சே 22 ஓட்டங்களையும் ரிச்சி பெரிங்டன் 20 ஓட்டங்களையும் பெற்றனர்.

நியூஸிலாந்து பந்துவீச்சில் ட்ரென்ட் போல்ட் 29 ஓட்டங்களுக்கு 2 விக்கெட்களையும் இஷ் சோதி 42 ஓட்டங்களுக்கு 2 விக்கெட்களையும் கைப்பற்றினர்.