பிரென்ட் மசகு எண்ணெய் பீப்பாய் ஒன்றின் விலை 105.64 டொலராக அதிகரிப்பு!

அமெரிக்க ஜனாதிபதி டொனால்ட் ட்ரம்ப் ஈரானின் சமாதானத் திட்டத்தை நிராகரித்ததைத் தொடர்ந்து, இன்று (28) சர்வதேச சந்தையில் மசகு எண்ணெய் விலை 1% க்கும் மேல் அதிகரித்துள்ளது.

மத்திய கிழக்கில் நிலவும் அமைதியின்மை மற்றும் ஹோர்முஸ் நீரிணையை மீண்டும் திறப்பது குறித்த நிச்சயமற்ற தன்மையே இந்த விலை அதிகரிப்புக்கு முக்கிய காரணங்கள் என்று சர்வதேச ஊடகங்கள் தெரிவித்தன.

அதன்படி, ஒரு பீப்பாய் பிரென்ட் ரக மசகு எண்ணெயின் விலை 1.32 அமெரிக்க டொலராக அதிகரித்து 105.64 அமெரிக்க டொலராகவும், அதே நேரத்தில் ஒரு பீப்பாய் WTI ரக மசகு எண்ணெயின் விலை 93.11 அமெரிக்க டொலராகவும் அதிகரித்துள்ளது.