பணமோசடி வழக்கில் டெய்ஸி ஃபாரெஸ்ட் விடுதலை
கொழும்பு உயர் நீதிமன்றம் இன்று, பணமோசடி தடுப்பு சட்டத்தின் கீழ் தாக்கல் செய்யப்பட்ட வழக்கில் குற்றஞ்சாட்டப்பட்டிருந்த யோஷித ராஜபக்சவின் பாட்டியான டெய்ஸி ஃபாரெஸ்டை விடுவிக்க உத்தரவிட்டது.
விசாரணையின் போது, துணை சட்ட மா அதிபர் ஜனக பண்டார சிறப்பு மனநல மருத்துவ அறிக்கையை நீதிமன்றத்தில் சமர்ப்பித்தார்.
கொழும்பு நீதிமருத்துவ அதிகாரியால் தயாரிக்கப்பட்ட அந்த அறிக்கை, குற்றஞ்சாட்டப்பட்டவர் நீதிமன்ற விசாரணையை எதிர்கொள்ள தேவையான மனநிலை திறன் உள்ளவரா என்பதைத் தீர்மானிக்க நீதிமன்றத்தின் கோரிக்கைப்படி பெறப்பட்டது.
மருத்துவ பரிந்துரைகளின்படி, குற்றஞ்சாட்டப்பட்டவர் நீதிமன்ற நடவடிக்கைகளில் பங்கேற்கத் தகுதியான மனநிலையில் இல்லை என துணை சட்ட மா அதிபர் நீதிமன்றத்துக்கு தெரிவித்தார்.
மருத்துவ ஆதாரங்களையும் சமர்ப்பிக்கப்பட்ட விளக்கங்களையும் பரிசீலித்த உயர் நீதிமன்ற நீதிபதி, டெய்ஸி ஃபாரெஸ்டுக்கு எதிராக தாக்கல் செய்யப்பட்ட குற்றப்பத்திரிகைகளிலிருந்து அவரை விடுவிக்க உத்தரவிட்டார்.
