ஜப்பானில் இன்று பொதுத்தேர்தல்!
ஜப்பானின் பொதுத்தேர்தல் இன்று (08) நடைபெறுவதற்கான ஏற்பாடுகள் செய்யப்பட்டுள்ளன.
ஜப்பானின் முதலாவது பெண் பிரதமரான சனே தகைச்சி (Sanae Takaichi) இந்தத் தேர்தலில் முன்னிலையில் இருப்பதாக சர்வதேச ஊடகங்கள் செய்தி வெளியிட்டுள்ளன.
அவருக்கு முன்னராக பிரதமராகப் பதவி வகித்த ஷிகெரு இஷிபா (Shigeru Ishiba) தலைமையிலான லிபரல் ஜனநாயகக் கட்சி, கடந்த பொதுத்தேர்தலில் தோல்வியைத் தழுவியிருந்தது.
இருப்பினும், தற்போதைய பிரதமரின் புகழ் மற்றும் அவரது வினைத்திறனான செயல்பாடுகள் காரணமாக, இம்முறை பொதுத்தேர்தலில் அவர் வெற்றியடைவார் என அரசியல் விமர்சகர்கள் நம்பிக்கை வெளியிட்டுள்ளனர்.
மிகக் குறுகிய காலத்திற்குள் ஜப்பானியப் பிரதமர் மக்களின் பெரும் மதிப்பைப் பெற்றுள்ளதன் மூலம், அவர் ஒரு வலுவான, சக்திமிக்க மற்றும் புத்திசாலித்தனமான தலைவி என்பதை நிரூபித்துள்ளதாக அமெரிக்க ஜனாதிபதி டொனால்ட் ட்ரம்ப் தெரிவித்துள்ளார்.
