குவைத்துக்கான விமான சேவைகள் தற்காலிகமாக நிறுத்தம்!

மத்திய கிழக்கில் மோசமடைந்து வரும் இராணுவச் சூழலைத் தொடர்ந்து, குவைத்துக்கான விமான சேவைகளை தற்காலிகமாக நிறுத்தி வைப்பதாக ஸ்ரீலங்கன் ஏர்லைன்ஸ் அறிவித்துள்ளது. 

முன்னெச்சரிக்கை நடவடிக்கையாக, வளைகுடா நாட்டிற்கான விமான சேவைகள் ஜூலை 20 முதல் ஜூலை 26 வரை நிறுத்தப்பட்டுள்ளதாக இலங்கை சிவில் விமானப் போக்குவரத்து ஆணையம் உறுதிப்படுத்தியுள்ளது.

மேலும் தெளிவுபடுத்தல் தேவைப்படும் பயணிகள், 1979 என்ற உடனடி உதவி எண் மூலம் விமான நிறுவனத்தைத் தொடர்புகொள்ளலாம் அல்லது +94 11 777 1979 அல்லது +94 74 444 1979 என்ற எண்களுக்கு வாட்ஸ்அப் மூலம் செய்திகளை அனுப்பலாம். 

கூடுதல் தகவல்கள் ஸ்ரீலங்கன் ஏர்லைன்ஸ் அதிகாரப்பூர்வ இணையதளத்தில் வெளியிடப்படும்.