உலக சந்தை உயர்வின்போதும் இலங்கையில் எரிபொருள் விலை மாற்றமில்லை!
உலகளாவிய எண்ணெய் விலைகள் உயர்ந்த போதிலும், உள்நாட்டு எரிபொருள் விலைகளை உடனடியாக உயர்த்தப் போவதில்லை என இலங்கை பெட்ரோலியக் கூட்டுத்தாபனம் (சிபிசி) தெரிவித்துள்ளது.
இவ்விவகாரம் தொடர்பாக அரசாங்கத்துடன் கலந்துரையாடி, எரிபொருள் விலை உயர்த்தப்படுமா என்பது குறித்து பின்னர் அறிவிக்கப்படும் என சிபிசி தலைவர் டி.ஜே. ராஜகருண தெரிவித்தார்.
மத்திய கிழக்கில் அதிகரித்துள்ள பதற்றம் மற்றும் செங்கடல், பாப் எல்-மண்டேப் ஜலசந்தியைச் சுற்றியுள்ள நிகழ்வுகளுக்கு மத்தியில், உலகளாவிய கச்சா எண்ணெய் விலைகள் ஒரு பேரலுக்கு 100 அமெரிக்க டாலரைத் தாண்டியுள்ளன. அறிக்கையின்படி, பிரென்ட் கச்சா எண்ணெய் ஒரு பேரலுக்கு 104.06 அமெரிக்க டாலராகவும், வெஸ்ட் டெக்சாஸ் இன்டர்மீடியட் (WTI) சுமார் 100 அமெரிக்க டாலராகவும் வர்த்தகமாகி வந்தது.
இலங்கையின் எரிபொருள் விலைகள் இவ்மாத இறுதியில் மீண்டும் திருத்தியமைக்கப்பட உள்ளன.
சில தனியார் எரிபொருள் விநியோகஸ்தர்கள் டீசல் விற்பனைக்குக் கட்டுப்பாடு விதிப்பதாக செய்திகள் வெளியான போதிலும், செப்பெட்கோ எரிபொருள் நிரப்பும் நிலையங்களில் போதுமான எரிபொருள் கையிருப்பு உள்ளதாக ராஜகருணா மேலும் தெரிவித்தார்.
