சமீப காலமாக சமூக வலை தளங்கள் தமிழரின் ஆவணங்களையும் ஈழம் மற்றும் தமிழீழம் போன்ற சொற்களை தடை செய்ததை கண்டித்து நேற்றைய தினம் நடைபெற்ற ஐ.நா மனித உரிமை சபையின் பொது விவாதத்தில் பங்கெடுத்து தனது வாய்மூல அறிக்கையை சமர்ப்பிக்கும் போது கனேடிய நாட்டை சேர்ந்த வில்லியம் பாற்றர்சன் அவர்கள் ஆற்றிய உரையில்
தனியார் நிறுவனங்களை கருத்துச் சுதந்திரம் மற்றும் பத்திரிகை சுதந்திரம் ஆகியவற்றின் உரிமைகளை மீறுவதற்குஎவ்வாறு கையாள முடியும் என்பதை ஐக்கிய நாடுகள் கவனத்திற்குக் கொண்டுவர விரும்புகிறேன் . இது சமூக வலைத் தளங்களில் மிகப் பெரியளவில் ஆதிக்கம் செலுத்துகின்றன.
பாண் , மலை அல்லது தீவு போன்ற பொதுவான வார்த்தையைப் பயன்படுத்துவதற்கு உங்கள் பதிவு தடைசெய்யப்படுவதை நீங்கள் கற்பனை செய்து பார்க்க முடியுமா? அல்லது கியூபெக் போன்ற ஒரு மாகாண பெயர் அல்லது ஐரிஷ் போன்ற தேசிய அடையாளம் தடை செய்யப்படுவது எப்படி இருக்கும்?
அண்மையில் ட்விட்டர் ஈழம் மற்றும் தமிழீழத்தின் ஹாஷ் குறிச்சொற்களை தடை செய்தது.
ஈழம் என்பது ஒரு பழைய தமிழ் வார்த்தையாகும், அதாவது தீவு (குறிப்பாக இலங்கை.) சுதந்திரத்திற்கு முன்பும், உள்நாட்டுப் போர் தொடங்குவதற்கு முன்பிருந்தும் பல ஆங்கில நூல்களில் இந்த பெயர் ஆவணமாக உள்ளது.
பேஸ்புக் மற்றும் இன்ஸ்டாகிராமில் ஈழம் தடை செய்தபோது ‘ Spotify ஈழம் சம்பந்தப்பட்ட இசையையும் தடை செய்தது. அதிர்ஷ்டவசமாக, பொது அழுத்தம் சில இடங்களில் தடைகளை மாற்றியுள்ளது. ஆனால், இந்த நிகழ்வுகள் ஒரு நாட்டின் விருப்பத்திற்கு மாறாக தகவல்களை பரப்புவதை கட்டுப்படுத்துவதற்கு, தங்கள் கொள்கைகளை நடைமுறைப்படுத்த தம் விருப்பின் மேல் , தனியார் நிறுவனங்களை எவ்வளவு எளிதில் கையாள முடியும் என்பதைக் காட்டுகிறது.
இந்த இடத்தில் இலங்கை அரசு , இலங்கையில் நிகழும் இனப்படுகொலையின் சாட்சியங்களை சமூக வலை தளங்கள் ஊடாக வெளியில் தெரிய வருவதை அடக்க முயற்சிக்கிறது என குறிப்பிட்டார்.
அத்துடன் மேலும்
ஐரிஷ் எனும் வார்த்தை “ஐரிஷ் குடியரசு இராணுவம்” என்ற பெயரின் ஒரு பகுதியாக இருப்பதால் அல்லது “ஃப்ரண்ட் டி லிபரேஷன் டு கியூபெக்” உடனான தொடர்பு காரணமாக கியூபெக் எனும் வார்த்தை தடை செய்யப் படுவதை கற்பனை செய்து பாருங்கள். இது வேடிக்கையானது, ஆனால் இதுதான் ஈழத்திற்கு நடைபெறுகின்றது எனவும் சுட்டிக்காட்டியமை இங்கு குறிப்பிடத்தக்கது.