நியமிக்கப்பட்ட இடைக்கால கிரிக்கெட் குழுவை நீக்குமாறு அமைச்சரவையிலும், அதன் பின்னரும் ஜனாதிபதி ரணில் என்னை மிரட்டினார் என்று விளையாட்டுத்துறை அமைச்சர் ரொஷான் ரணசிங்க நாடாளுமன்றத்தில் நேற்று பரபரப்புக் குற்றச்சாட்டை முன்வைத்தார்.
அவர் மேலும் தெரிவித்ததாவது:- அமைச்சரவைக்குள் என்ன நடந்தது என்பதை என்னால் கூறமுடியாது.
நான் கூட்டுப் பொறுப்பை பாதுகாக்க விரும்புகிறேன். ஆனால், ஜனாதிபதி பின்னர் அலுவலகத்துக்கு அழைத்து நியமிக்கப்பட்ட குழுவை நீக்குமாறு கோபத்தோடு மிரட்டினார். இல்லையேல் விளையாட்டு அமைச்சையும் தன் கீழ் கொண்டு வருவேன் – என்றார். ‘என்னை நீக்கிவிட்டு உங்கள் விருப்பப்படி முடிவெடுங்கள் என ஜனாதிபதியிடம் கூறினேன். நியமிக்கப்பட்ட குழுவை நீக்கவே முடியாது என்றும் கூறினேன் நீதிமன்றம் வழங்கியுள்ள தீர்ப்பை மதிக்கின்றோம். ஆனால், மறுபடியும் மோசடிக்காரர்கள் தான் அங்கு செல்லவுள்ளனர் – என்றார்.