ஆசிய விளையாட்டில் வடகொரிய மகளிர் அணியின் அபார தொடக்கம்!

ஜப்பானின் ஓசாக்கா நகரில் நடைபெற்ற ஆசிய விளையாட்டுப் போட்டியின் மகளிர் கால்பந்து ஆரம்ப ஆட்டத்தில் வடகொரிய மகளிர் அணி 10-0 என்ற கோல் கணக்கில் பங்களாதேஷ் அணியை வீழ்த்தி அபார வெற்றி பெற்றுள்ளது.

வடகொரிய ஆதரவாளர்கள் நூற்றுக்கணக்கானோர் திரண்டு ஆதரவு அளித்த நிலையில் வடகொரியா இந்த வெற்றியைப் பதிவு செய்துள்ளது.

இளையோர் சர்வதேச போட்டிகளில் தொடர் சாதனைகளைப் படைத்துள்ள வடகொரிய அணி இந்தப் போட்டியின் ஆரம்பம் முதலே ஆதிக்கம் செலுத்தியது. ஆட்டத்தின் முதல் பாதியிலேயே 7 கோல்களை அடித்து பங்களாதேஷை வீழ்த்தியது.

இந்தநிலையில், குழு எஃப் (Group F) பிரிவில் இடம்பெற்றுள்ள வடகொரிய மகளிர் அணி செப்டம்பர் 21 அன்று தென்கொரியாவை எதிர்கொள்கிறது. ஆண்கள் அணி புதன்கிழமை நடைபெறவுள்ள போட்டியில் சீனாவை எதிர்த்து விளையாடவுள்ளது.

நாகோயா-ஐச்சி (Nagoya-Aichi) பகுதியில் நடைபெற்று வரும் இந்த ஆசிய விளையாட்டுப் போட்டியில் செப்டம்பர் 19 அன்று உத்தியோகபூர்வ தொடக்க விழா நடைபெறவுள்ளது.

இதில் 14 விளையாட்டுப் பிரிவுகளில் 100-க்கும் மேற்பட்ட வடகொரிய வீரர்கள் பங்கேற்கின்றனர்.