2020 தோல்வியை மறந்து நியூயார்க்கில் மகுடம் சூடிய ஸ்வரேவ்!
நியூயார்க்கில் நடைபெற்ற அமெரிக்க பகிரங்க டென்னிஸ் ஆடவர் ஒற்றையர் பிரிவின் இறுதிப்போட்டியில் ஜெர்மனியின் அலெக்சாண்டர் ஸ்வரேவ் (Alexander Zverev) அமெரிக்காவின் பென் ஷெல்டனை (Ben Shelton) வீழ்த்தி செம்பியன் பட்டத்தைக் கைப்பற்றியுள்ளார்.
இதன் மூலம் அமெரிக்க ரசிகர்கள் மற்றும் பென் ஷெல்டனின் கிராண்ட் ஸ்லாம் கனவு தகர்க்கப்பட்டுள்ளது.
நேற்று ஞாயிற்றுக்கிழமை நடைபெற்ற இறுதிப்போட்டியில் 6-3 7-6 (2) 5-7 6-2 என்ற செட் கணக்கில் ஸ்வரேவ் அபார வெற்றி பெற்றார்.
முதன்மை வரிசை (Top Seed) வீரராகக் களம் கண்ட ஸ்வரேவ் நேற்றைய வெற்றியின் மூலம், இந்த ஆண்டில் தனது இரண்டாவது கிராண்ட் ஸ்லாம் பட்டத்தைக் கைப்பற்றியுள்ளார்.
முன்னதாக இந்த ஆண்டின் பிரெஞ் பகிரங்கப் பட்டத்தையும் அவர் வென்றிருந்தார்.
அதேநேரம் 2020-ஆம் ஆண்டு அமெரிக்க பகிரங்க மென்னிஸ் ஆடவர் இறுதியில் தோல்வியைத் தழுவிய ஸ்வரேவ் இந்த முறை பட்டத்தைக் கைப்பற்றியுள்ளார்.
