சர்வதேச சந்தையில் மசகு எண்ணெய் விலை அதிரடி உயர்வு!

ஈரான் மீதான அமெரிக்காவின் இராணுவத் தாக்குதல்களைத் தொடர்ந்து, சர்வதேச சந்தையில் மசகு எண்ணெய் விலையில் பாரிய அதிகரிப்பு பதிவாகியுள்ளது. இந்த பதற்றமான சூழலால் எரிபொருள் விநியோகம் பாதிக்கப்படலாம் என்ற அச்சத்தில் சர்வதேச ஊடகங்கள் இந்தத் தரவுகளை வெளியிட்டுள்ளன.

சந்தையில் WTI மசகு எண்ணெய் பீப்பாய் ஒன்றின் விலை 2 சதவீதத்திற்கும் மேலாக அதிகரித்து 74.25 அமெரிக்க டொலராக உயர்ந்துள்ளது. அதேபோல், பிரண்ட் ரக மசகு எண்ணெய் பீப்பாய் ஒன்றின் விலை 3 சதவீத அதிகரிப்புடன் 78.99 அமெரிக்க டொலரை எட்டியுள்ளது. மேலும், மெர்பன் மசகு எண்ணெய் பீப்பாய் ஒன்றின் விலையும் 73.25 அமெரிக்க டொலராக உயர்ந்துள்ளமை குறிப்பிடத்தக்கது.